|
Kaufbrief |
GLA 21/470 (neu: 21/8139)
Ich Conrat Tegenlin der Jung Beckenn mich offentlichem und tun kunt allermenglichem mit diesem briene daz Ich mit guter zitlicher vorbetrachtung und wolbedächtem mute zu den ziten und an den Stetten da
Ich das wol getun mocht für mich alle min Erben und nachkomen unnerscheidenlichen sunder mit wissen Rate gunst und gutem willen Der vesten Conrat Tegelins dez Elteren mins lieben Vatters Hannsen
unt Wilhelms miner lieben brüdere verkouft und ze kouffende gegeben hab Und gib ouch also ze kouffende mit crafft und urkunde dis gegenwirtigen briefs in alle wege wise und forme damit dieser kouff
wol crafft macht und hanntuesten Hät und haben sol nu und hienach von recht und gewonheit geistlichs und weltlichs gerichtz und Rechtz Eins rechten steten und ewigen kouffs Dem vesten Heinrichen von
Blumnegk zu kilchzarten Martins von Blumnegk seligen sune allen sinen Erben und nachkomen Mine zwey dörffere genant wytentale das vorder und das hinder ob Baldenwege gelegen mit lüten
Gerichten hoch und nider zwingen bennen Ackern matten gütern Holtz velde wasser wunne weide Stüren diensten tagwan fronungen vellen dritteilen Erschatzen und allen anderen nutzen rechten
und zugehörungen und sunder mit dem Hofe daruff Hanns Hon yetz sitzet und mit allen anderen Höfen so Ich in beiden dörffern hab und allem dem so zu und in die selben Dörfere und die Höfe
gehört oder von alter har darin gehört hat von recht oder gewonheit Es sye pfenning gelt kornzinse Haber zinse Hüner oder ander zinse genant und ungenant gessuchtz und ungesuchtz so ich da selbs
hab untzit usgenommen noch vorbehept Allez für ledig und unbekumbert eigen noch zwein gulden geltz so vor dauon gand dem vesten Hanns Ulrich Meygerniessen sind widerkoffig mit viertzig guldin
und hab ouch also dem obgenannten Heinrichen von Blumnegk die Egeschrieben mine zwey dörffere vorder und hinder wytentale mit den Höfen Lüten Gerichten nutzen gütern und allen zu
gehörungen als vor begriffen ist zu kouffende gegeben Im allen sinen Erben nachkomen hinnenthin ewentlichen zu habens zu nutzen und ze nissend ze besetzend und ze entsetzend und allen die
gewaltsami darinne und daran ze habende Als min vorderen und Ich die gehept und harbracht hand damit ze tunde und ze lassend als mit anderen Jren eigentlichen gütern on aller menglichs Jrrung
sumniß wiederrede ynträge und on alle generde Und ist diser kouff beschehen umb fünff und zweintzig margk silbers und eins und viertzig pfund pfenning friburger müntz guter genger und geber
da die egenanten fünff und zweintzig marck silbers an ein losung komen und worden sind Heinrich väschlin zu Brisach und damit fünff pfund geltz abgelöset Die er von den vorgenanten zwyen dörffern
gehept hät die übrigen eins und viertzig pfund pfenning sind mir dem vorgenannten verkoufer von dem Egenanten kouf barbezahlt und gewert worden und hab ouch die in minen besseren nutz und
fromen bewendt und bekert daz mich damit von dis kouffs wegen wo benugt das Jch offentlichen gichtig bin mit disem brief Darumb so glob und versprich Jch der vorgenant verkoffere für mich alle min
Erben und nachkommen underscheidenlichen des obgenanten Heinrichs von Blumenegk aller siner Erben und nachkomen dis kouffs recht weren ze sind und darumb gut werschaftft ze tund hinnenthin gegen
allermenglichem an allen enden stetten und gerichten da sy des bedorffent und notdurfftig werden als recht on alle generde Und darauf hab Jch dem vorgenanten koffer alle die brief und Rödel die Jch geheppt
hab über die vorgenanten zwey dörffere und die höfe wisende haruß zu sinen hannden geben und ungeantwurt Wer aber daz un oder hienach chein brief oder Rödel über die selben dörffere und die höfe mit
Jren zu gehenden wisende ine funden wurden Die sollen alle dem obgenannten koffere sinen Erben und nachkommen zu gehören In geantwurt werden und volgen und ob daz nit beschehe so sollen sy Jn
doch cheinen schaden gebresten noch yntrag daran nit bringen in cheinen wege on alle arglist und generde Und also verzih und begib ich der Egenant verkouffer mich für mich alle min Erben und
nachkomen unnerscheidenlichen der vorgeschrieben zweyer dorffere Wytentale und der Hofe und allez dez so Ich daselbs gehept hab mit aller zu gehorungen als vorbegriffen stät ouch aller eigen
schafft besitzungen vorderungen und ansprachen so Jch dartzu und daran gehept hab oder haben mocht untzit ußgenomen gegen dem Egenanten Heinrichen von Blumnegk dem kouffer allen sinen erben und
nachkomen hinnenthin ewichlichen schlechterlichen und ungenarlichen und dartzu aller geistlicher und weltlicher gericht und recht friheit und hilff Herren Stett und lands und mit nehmen allez
dez damit ich min erben oder nachkomen wider diesen kouff oder chein dinge so an diesem brief geschriben stät gereden oder getun konden oder möchten untzit ußgenomen on alle generde Ouch hab Jch
vorgenanterConrat Tegenlin der Jung der verkouffere Und wie die vorgenanten Conrat Tegenlin der Elter sin vatter Hanns und wilhelm Tegenlin gebrüdere sin Sune alle gemeinlich und
unverscheidenlich gelobt versprochen und vertrost fur uns unser Erben und nachkhomen Mit den vesten Bernharten und Gabriel Tegelin min dez Egenanten Conrat Tegenlins dez Eltern Sune
und unser der andern gebrudere Bruder ze schaffen daz Sy disen verkouff für sich Jr Erben und nachkomen ouch verwilligent und vergunstend mit Jren besigelten briefen und den ouch stet
ze halten und ze haben und dawider niemer ze reden noch ze tunde mit recht noch on recht in cheinen weg Wer aber das die selben Bernhart und Gabriel Tegenlin beide oder Ir einer besunder
Jr Erben oder nachkomen daz nit teten und den vorgenanten koffer sin Erben oder nachkomen oder das Egenant gute yemer ansprechen oder darumb bekimberten und des der benant koffer sin Erben
oder nachkomen zu costen oder schaden kement so solten wir alle unser Erben und nachkhomen Jnen das obengenant gute die zwey Dörffere und die Höfe mit aller zu gehorungen gentzlich ledigen und
ledig machen und Jnen solichen costen und schaden allen in den Sy deßhalb komend gentzlich und gar uffrichten betzalen und abtragen on alle widerrede yntrag und generde und dez für Sy beide Jr
Erben und nachkomen gut wern ze sinde an allen enden stetten und Gerichten da sy dez notdurfftig werden nu oder hienach on alle generde Aller vorgeschribener ding und Jr yeglichs besunder zu waren
offenen urkunde und steter gezugkniß so hab ich Conrat Tegenlin der Jung der verkoffer vorgenant min Eigen Jnsigel für mich min Erben und nachkomen die ich ouch vestentlich hartzu verbind offentlich
gehenckt an disen brief und zu meren urkunde gebetten die ob genanten Conrat Tegenlin minen lieben Vatter Hannsen und Wilhelmen min lieben Brudere Jre zu dem minen zu
hencken an diesen brief Daz ouch wir Conrat Tegenlin der alt und Hanns sin Sune von dez Egenanten Conrat Tegenlins dez Jungen unsers Suns und Bruders ernstlicher bitte und umb gezugksami
willen wun dieser kouff mit unseren Räte und gutem willen beschehen und zu gangen ist und wir ouch alle für die Egenanten Bernharten und Gabriel Tegenlin unser Sune und Brudere vertröst
und versprochen hand als vor stät gelütert geton und unser Jnsigele also zu dem sinen gehenckt Hand an disen Brief und wan ich wilhelm tegenlin noch chein eigen Insigele hab so han ich
mit ernst erbetten den vesten Conratt von Kippenheim den Jüngeren daz Er sin Jnsigel für mich doch Jm und sinen Erben unschedlich zu der benanten mins vatters und brudere Jnsigele ouch
gehenckt hat an disen brief. Der geben ist uff fritag nechst nach sant Hilarien Bischoffstag Nach Cristi geburt viertzehnhundert und zwey und fünfftzig Jare
Siegelreihenfolge von links: Konrad Tegenlin d.J., Konrad Tegenlin d.A., dessen Sohn Hans sowie Konrad von Kippenheim an Stelle von Wilhelm Tegenlin
Glossar zur Erklärung verschiedener Wörter in der Urkunde.
frohnungen = herrschaft, herrschaftl. gebiet; frondienst; gerichtl. beschlagnahme, form =gestalt; vorbild, muster, art und weise (lat. forma), hand veste = schriftliche versicherung, verbriefung der rechte, urkunde, unbekumbert = unbeeinträchtigt, dritt-teile = das recht, kauf.-sterbefall und abzugsdrittel zu erheben, war die pflicht zur abgabe von 33 prozent des wertes beim verkauf eines gutes oder beim übergang an einen erben, zwing und bann = gerichtsbarkeit und gerichtsbezirk und deren gebiet, wunn = wiese, tagwan = tagesleistungen, gült =zinsen, fällen, ehrschätzen = abgaben der erblehenbauern
hanns hon (hön) war beständer (pächter auf dem baldenweger hof), untzhär = bisher, zugehörde = zubehör, lösen = kaufen , vorderen = vorfahren, gesäß = wohnsitz , verlekten = verstorben, fähl = todfallabgaben, gerechtsame = der rechtsanspruch, generde= erhaltung, gebresten= vorenthalten, verzih = verzichtung allermenglichen= jedermann, genger = zusammengesetzt
unzit= unpassende Zeit, gebresten= zusammenbrechen, mangeln, generde= erhaltung
Stegen, 04.04.2008
Oskar Steinhart, Stegen